ગયા વર્ષે ભારતીય કોસ્ટ ગાર્ડે એક બોટ પકડી હતી. પાકિસ્તાનથી બોટમાં કરોડોની કિંમતની હિરોઈન ભારત મોકલવામાં આવી હતી. આ કેસમાં લોરેન્સ બિશ્નોઈનું નામ સામે આવ્યું હતું. જે મામલેટ રીમાન્ડ બાદ હવે બિશ્નોઈને સાબરમતી જેલમાં મોકલાયો છે.
ગુજરાતના કચ્છ જિલ્લાની નલિયા કોર્ટે ગેંગસ્ટર લોરેન્સ બિશ્નોઈને સાબરમતી જેલમાં મોકલી આપ્યો છે. 200 કરોડના હેરોઈનના કન્સાઈનમેન્ટના કેસમાં ગુજરાત ATS તેને પૂછપરછ માટે દિલ્હીથી લાવી હતી. ગુજરાત ATS વધુ રિમાન્ડ માંગતી નથી, સ્પેશિયલ કોર્ટે ગેંગસ્ટર લોરેન્સ બિશ્નાઈને જેલમાં મોકલવાનો આદેશ આપ્યો છે. લોરેન્સ બિશ્નોઈ વિરુદ્ધ લગભગ 50 કેસ નોંધાયેલા છે. લોરેન્સ બિશ્નોઈએ તાજેતરમાં બોલિવૂડ અભિનેતા સલમાન ખાનને મારી નાખવાની ધમકી આપીને સનસનાટી મચાવી દીધી હતી. ત્યારથી બિશ્નોઈનું નામ વધુ સામે આવ્યું.
અતિકની જેમ હાઈસિક્યોરિટી સાથે રહેશે ગેંગસ્ટર
ગુજરાત ATS આ કેસમાં પૂછપરછ માટે પટિયાલા હાઉસ કોર્ટમાંથી ટ્રાન્ઝિટ રિમાન્ડ પર દિલ્હીની તિહાર જેલમાંથી લોરેન્સને લાવી હતી. આ પછી લોરેન્સ બિશ્નોઈને નલિયા કોર્ટમાં રજૂ કરવામાં આવ્યો હતો. જેમાં ગુજરાત ATSને 14 દિવસના રિમાન્ડ મળ્યા હતા. રિમાન્ડ પૂરા થયા બાદ માફિયા અતીક અહેમદ બાદ લોરેન્સ બિશ્નોઈનું નવું સરનામું સાબરમતી જેલ હશે. જેલના સૂત્રોના જણાવ્યા અનુસાર લોરેન્સ બિશ્નોઈને હાઈ સિક્યોરિટી બેરેકમાં રાખવામાં આવશે. જેલમાં તેની સુરક્ષા માટે પૂરતી વ્યવસ્થા કરવામાં આવી રહી છે.
200 કરોડના હેરોઈન કેસમાં બે લોકોની ધરપકડ કરવામાં આવી હતી. લોરેન્સની સૂચનાથી બોટ ગુજરાતના દરિયાકાંઠે ડિલિવરી માટે આવી હોવાનું બહાર આવ્યું હતું. લોરેન્સે પંજાબની જેલમાંથી ફોન કર્યો હતો. આ ઇનપુટ્સ પર ગુજરાત ATSએ લોરેન્સની પૂછપરછ કરવાની હતી. સૂત્રોનું માનીએ તો ગુજરાત ATSને પૂછપરછ દરમિયાન કેટલીક મહત્વની માહિતી મળી છે. હવે જોવાનું એ રહેશે કે એટીએસ આ મામલે તેની તપાસ કેવી રીતે આગળ ધપાવે છે
ગુજરાત ATS 200 કરોડના હેરોઈન રિકવરી કેસ દ્વારા ડ્રગ નેટવર્કનો નાશ કરવા માંગે છે. છેલ્લા વર્ષોમાં ગુજરાતમાં પાકિસ્તાન અને અફઘાનિસ્તાનથી મોટા પ્રમાણમાં ડ્રગ્સ આવતા હોવાના કિસ્સાઓ સામે આવ્યા છે. ATS ગુજરાત મારફતે બાકીના ભારતમાં ડ્રગ્સની દાણચોરી પર કડક કાર્યવાહી કરવા માંગે છે. બીજી તરફ નેશનલ સિક્યોરિટી એજન્સી પણ લોરેન્સ સાથે તેની ગેંગ સાથે જોડાયેલા લોકો સામે કાર્યવાહી કરી રહી છે.
