અમદાવાદ જેલમાંથી વચગાળાના જામીન મેળવી ફરાર થયેલો ઇસમ ઝડપાયો
અમદાવાદ સાબરમતી મધ્યસ્થ જેલમાંથી ચોરીના ગુનામાં વચગાળાના જામીન મેળવી છેલ્લા સાત મહિનાથી ફરાર થયેલ ઇસમને ટંકારા નજીકથી મોરબી એલસીબી ટીમે ઝડપી લઈને આરોપી વિરુદ્ધ કાયદેસર કાર્યવાહી હાથ ધરી છે
ગુજરાત વિધાનસભા ચુંટણીને પગલે નાસતા ફરતા આરોપીને ઝડપી લેવા સ્પેશ્યલ ડ્રાઈવનું આયોજન કરાયું હોય જેથી મોરબી એલસીબી ટીમ ફરાર આરોપીઓને ઝડપી લેવા કાર્યરત હોય દરમિયાન અમદાવાદ શહેર સરખેજ પોલીસ મથકમાં ચોરીના ગુનામાં કાચા કામના કેદી તરીકે અમદાવાદ સાબરમતી મધ્યસ્થ જેલમાં રહેલ આરોપી રાજેશ ઉર્ફે રાજુ હરીલાલ સારેસા (ઉ.વ.૩૩) રહે હીરાપર તા. ટંકારા વાળાને તા. ૧૭-૦૧-૨૦૨૨ ના રોજ છોડવામાં આવ્યો હતો જે આરોપીને તા. ૨૦-૦૩-૨૦૨૨ ના રોજ અમદાવાદ મધ્યસ્થ જેલ ખાતે હાજર થવાનું હતું પરંતુ આરોપ હાજર થયો ના હતો અને વચગાળાના જામીન પરથી ફરાર થયો હતો જે આરોપી ટંકારા લતીપર ચોકડી પાસે હોવાની બાતમી મળતા મોરબી એલસીબી ટીમે લતીપર ચોકડી પાસેથી આરોપીને ઝડપી લઈને પોલીસ જાપ્તા હેઠળ અમદાવાદ સાબરમતી મધ્યસ્થ જેલ હવાલે કરવા તજવીજ હાથ ધરી છે
