અમદાવાદ શહેરમાં નશાનો કારોબાર સતત વધતો જોવા મળી રહ્યો છે. તાજેતરમાં જ શહેરમાં એમડી ડ્રગ્સનો મોટા પાયે ધંધો કરનાર મહિલા આરોપીની ક્રાઈમ બ્રાન્ચે ધરપકડ કરી હતી. તો હવે ઈ સિગારેટના જથ્થા સાથે એસઓજી ક્રાઈમ બ્રાન્ચે બે આરોપીને ઝડપી પાડ્યા હતા. હાલ આ આરોપી સામે ફરિયાદ દાખલ કરી આ જથ્થો ક્યાથી લાવ્યા હતા અને કોને આપવાનો હતો તે દિશામાં તપાસ હાથ ધરવામાં આવી છે.
થોડા સમય પેહલા અમદાવાદ PCB ના pi તરલ ભટ્ટ એ ઇ સિગારેટ વિશે તમામ ડીટેલ નીકાળી હતી. ત્યાર પછી અમદાવાદમાં સૌ પ્રથમ કેસ પીસીબી દ્વારા સ્મોકર્સ નામની દુકાન પર કરવામાં આવ્યું હતું. ત્યાંથી લાખો રૂપિયાનો એ સિગરેટ નો જથ્થો પકડાયો હતો.જેમાં અનેક રિટેલર ના નામ પણ ખુલ્યા હતા.ત્યારબાદ કારંજ પોલીસ દ્વારા પણ એ ઈ સિગરેટ નો જથ્થો પકડ્યો હતો. ત્યારબાદ સુરત થી પણ લાખો રૂપિયાનો જથ્થો પકડાયો હતો. છેલ્લે મુન્દ્રા પોર્ટ પરથી પણ કરોડો રૂપિયાની સિગરેટ ના કન્ટેનર પકડાયા હતા.
અમદાવાદ શહેર વિસ્તારમાં sog પેટ્રોલીંગમાં હતિ તે દરમ્યાન બાતમી હકિકત આધારે અમદાવાદ શહેર, ચાંદખેડા, હેવમોર ચાર રસ્તા પાસે આવેલ સમૃધ્ધી રેસીડેન્સીમાં આવેલ ક્રેજી ટાઉન નામના પાનાના ગલ્લામાંથી તથા જ્યુશ વલ્ડ નામની દુકાનમાંથી આરોપીઓ, સંયમ અતુલભાઇ મરડીયા, અજય જેઠાનંદ નોટવાનીણી રવિ પેટ્રોલ પંપની બાજુમાં ઇન્દીરાબ્રીજ સર્કલ પાસે સરદારનગર પાસેથી ઝડપી પાડવામાં આવ્યા હતા.
પોલીસે આરોપીઓ પાસેથી ઇ-સિગારેટ નંગ-૩૭ તથા રીફીલ નંગ-૦૩ મળી કુલ ૪૬,૬૮૦- નો મુદ્દામાલ જપ્ત કર્યો હતો. આ બન્ને આરોપીઓ સામે એક્ટ-૨૦૧૯ ની કલમ ૭, ૮ મુજબની કાયદેસરની કાર્યવાહી કરી વધુ તપાસ અર્થે ચાંદખેડા પોલીસ સ્ટેશન સોપવા તજવીજ કરેલ છે.
