અરવલ્લી જિલ્લામાં નાસતા – ફરતા આરોપીઓને પકડવાનો સિલસિલો યથાવત છે ત્યારે વધુ એક આરોપીને ઝડપી પાડવામાં સફળતા મળી છે. ઝડપાયેલ આરોપીનો અરવલ્લી અને સાબરકાંઠા જિલ્લામાં દબદબો હતો.
અરવલ્લી એસપી સંજય ખરાતના માર્ગદર્શન હેઠળ જીલ્લા પોલીસતંત્ર નાસતા-ફરતા આરોપીઓને દબોચી લઈ જેલના સળિયા પાછળ ધકેલી રહી છે જીલ્લા પેરોલ ફર્લો ટીમે શામળાજી પંથકમાંથી પાંચ વર્ષ અગાઉ સગીરાનું અપહરણ કરનાર વાંદીયોલ (કાદવીયા) ગામના આરોપીને તેના ઘરેથી ઝડપી લીધો હતો
અરવલ્લી જીલ્લા પેરોલ ફર્લો પીએસઆઈ બી.કે.ભુનાતર અને તેમની ટીમે નાસતા-ફરતા આરોપીઓને ઝડપી પાડવા ખાનગી વોચ અને બાતમીદારો સક્રિય કરતા શામળાજી પંથકમાંથી 5 વર્ષ અગાઉ સગીરાનું અપહરણ કરનાર વાંદીયોલ(કાદવીયા) ગામનો આરોપી હિતેશ કમજી ગામેતી ઘર નજીક ડુંગરની ઝાડીઓમાં ટીમરૂના પાન વીણતો હોવાની બાતમી મળતા તાબડતોડ ડુંગર પહોંચી આરોપીને કોર્ડન કરી ઝડપી પાડી જેલના સળિયા પાછળ ધકેલી દીધો હતો
આરોપી વિરૂદ્ધ શામળાજી પોલિસ મથકે આઈ. પી. સી. કલમ 363, 366, 376 તેમજ પોક્સો એક્ટ કલમ 4, 5, 11(4), 12 મુજબ ગુનો દાખલ થયો હતો. ઝડપાયેલ આરોપી વિરૂદ્ધ પોલિસે વધુ તપાસ હાથ ધરી છે.
