ગુજરાતના સુરેન્દ્રનગર જિલ્લામાં અને સાથે શહેરમાં મારામારી હૂમલો અને હત્યાના બનાવોની સંખ્યામાં નોંધપાત્ર રીતે વધારો થવા પામ્યો છે ત્યારે સુરેન્દ્રનગર શહેરનાં જોરાવરનગર વિસ્તારમાં સગાભાઈ એ દારૂ પીને બહેનને મોતનાં મુખમાં ધકેલવાનો પ્રયાસ કરતા ચકચાર મચી હતી.
સમગ્ર ઘટનાની જો વાત કરવામાં આવે તો જોરાવરનગર શહેરના લાલબહાદુર શાસ્ત્રી સોસાયટીમાં રહેતી ચાંદનીબહેન જીતેન્દ્રભાઈ ચાવડા સાથે મિલકત અને પોતાના જીવનમાં ઉચ્ચતર પ્રગતિ કરતી બહેનની ઈર્ષા કરતાં તેના સગાભાઈ મોટાભાઈ જીગરભાઈ જીતેન્દ્રભાઈ ચાવડા જેઓ દારૂ પીને સગી નાની બહેન ચાંદની જીતેન્દ્રભાઈ ચાવડાને ઝેર પીવડાવી મોતનાં મુખમાં ધકેલવાનો પ્રયાસ કરતા
ઘોર કળયુગ ભાઈની રક્ષા કાજે રાખડી બાંધનાર ભાઈએ ઝેર પીવડાવી મારવાનો પ્રયાસ કરતા આ મામલે અમદાવાદ રહેતા મોટાબહેન અંજના બહેન નરેશભાઈ પરમાર જેઓએ જોરાવરનગર પોલીસ મથકે જાણ કરવા છતાં પોલીસ દ્વારા કોઈ કાર્યવાહી કરવામાં ના. આવતાં રોષે ભરાયેલા બહેને DYSP ને રજુઆત કરતાં જોરાવરનગર પોલીસે અરજી લઈ કાયદેસરની કાર્યવાહી કરવાની તજવીજ હાથ ધરી હતી.
સગા ભાઈએ બહેનની હત્યાનો કર્યો પ્રયાસ, ભાઈ સામે કડક કાર્યવાહી કરવાની માંગ સાથે આક્ષેપ
