વડગામાં સીટ પર અંતિમ ઘડી સુધી ભારે રસાકસી ચાલી હતી. જિગ્નેશ મેવાણી સૌ પ્રથમ પાછળ ચાલી રહ્યા હતા ત્યારે અંતિમ તબક્કામાં મતદાન પ્રક્રીયામાં જિગ્નેશ મેવાણીને વધુ વોટ મળ્યા છે. કોંગ્રેસમાંથી ભાજપમાં આવેલા ઉમેદવારને હરાવીને ફેમસ ચહેરો એવા જીગ્નેશ મેવાણીએ ચૂંટણીમાં જીતી મેળવી છે.
જીગ્નેશ મેવાણીએ વડગામ વિધાનસભા બેઠક પર ભાજપના ઉમેદવાર મણિભાઈ વાઘેલાને હરાવ્યા છે. ગુજરાતની વડગામ વિધાનસભા બેઠક પરથી કોંગ્રેસના ઉમેદવાર જીગ્નેશ મેવાણીનો વિજય થયો છે. તેમને ગુજરાત કોંગ્રેસના યુવા ચહેરા તરીકે જોવામાં આવે છે. મેવાણીએ તેમના નજીકના હરીફ ભાજપના ઉમેદવાર મણિભાઈ વાઘેલાને 4 હજાર 500થી વધુ મતોથી હરાવ્યા છે.
જીગ્નેશ મેવાણી મેવાણી 2017માં અપક્ષ ઉમેદવાર તરીકે જીત્યા હતા અને તેમને કોંગ્રેસ પાર્ટીએ ટેકો આપ્યો હતો. ભાજપના ઉમેદવાર મણીભાઈ વાઘેલા અગાઉ કોંગ્રેસમાં હતા અને 2017માં ટિકિટ ન મળતા તેઓ ભાજપમાં ગયા હતા. 2012 થી 2017 સુધી વડગામના ધારાસભ્ય હતા. બીજી તરફ આમ આદમી પાર્ટી એ આ સીટ પરથી દલપત ભાટિયાને પોતાના ઉમેદવાર બનાવ્યા હતા.
ગુજરાતની 182 વિધાનસભા બેઠકોમાંથી ભાજપ 156 બેઠકો પર આગળ છે અને કોંગ્રેસ 17 બેઠકો પર આવી ગઈ છે. પ્રથમ વખત ગુજરાતના ચૂંટણી મેદાનમાં હરણફાળ ભરી રહેલી આમ આદમી પાર્ટીને 5 બેઠકો મળી છે. જ્યારે અન્યો પણ 4 બેઠકો પર આગળ છે.
