પાટણમાં મતદાન વધુ થાય તે માટે મતદાતાઓને ભેટ સ્વરૂપે વેપારીએ એક પેન આપી
પાટણ વિધાનસભા ની બેઠકો ઉપર મતદાન પ્રક્રિયા શરૂ થઈ છે. વહેલી સવાર થી જ ઉત્સાહ સાથે મતદારો મતદાન મથકો પર જઈ મતદાન કરી રહ્યા છે. ત્યારે ચૂંટણી પંચની સતત અવેરનેસને કારણે પાટણ શહેર માં લોકો વધુ ને વધુ મતદાન કરવા પ્રેરાય તે માટે પાટણ ના એક વેપારી એ અનોખો નુસ્કો અપનાવ્યો છે. મતદાન કરી ને આવનાર વ્યક્તિ ને ભેટ સ્વરૂપે એક નાની પેન આપવાની જાહેરાત કરી હતી. જેને પગલે વહેલી સવાર થી જ મતદાતાઓ મતદાન કરીને વેપારીની દુકાન અર્થે પોતાની ભેટ લેવા પહોંચ્યા હતા. ત્યારે વેપારીએ પણ દરેક મતદાતાઓને ભેટ સ્વરૂપે એક પેન આપી હતી.
વેપારીએ જણાવ્યું હતું કે, લોકશાહીના આ મહાપર્વમાં લોકો વધુને વધુ મતદાન કરે તે માટે આ રીતની જાહેરાત કરી છે. જેમાં અત્યાર સુધીમાં 200થી વધુ લોકોને પેન આપી છે. સાંજ સુધીમાં 2000 જેટલી પેન મતદાતાઓને પોતાની દુકાન પરથી પેન આપશે તેવું વેપારીએ જણાવ્યું હતું.
