દેશમાં કોરોનાના કેસોમાં સતત ઘટાડો નોંધાઈ રહ્યો છે. સ્વાસ્થ્ય મંત્રાલયે જણાવ્યું કે છેલ્લા 24 કલાકમાં કોરોના સંક્રમણના 4,129 નવા કેસ નોંધાયા છે. આ સમયગાળા દરમિયાન 20 લોકોના મોત પણ થયા છે. કેરળમાં 24 કલાકમાં સૌથી વધુ 13 લોકોના મોત થયા છે.
25 સપ્ટેમ્બરની સરખામણીએ કેસમાં ઘટાડો
25 સપ્ટેમ્બરની સરખામણીમાં કોરોનાના 579 કેસ ઓછા આવ્યા છે. મંત્રાલયના અહેવાલ મુજબ, છેલ્લા 24 કલાકમાં 4,688 લોકો કોરોનાથી સ્વસ્થ થયા છે. દેશમાં સક્રિય દર્દીઓની સંખ્યા હવે ઘટીને 43,415 થઈ ગઈ છે.
અત્યાર સુધીમાં થયા આટલા મોત
દેશમાં કોરોનાના કુલ કેસની સંખ્યા વધીને 4 કરોડ 45 લાખ 72 હજાર 243 થઈ ગઈ છે. અત્યાર સુધીમાં કુલ 4 કરોડ 40 લાખથી વધુ લોકો સાજા પણ થયા છે. આ સિવાય કોરોનાને કારણે અત્યાર સુધીમાં 5 લાખ 28 હજાર 530 લોકોએ જીવ ગુમાવ્યા છે.
કોરોનાના સક્રિય કેસ 0.10 ટકા છે. જ્યારે રિકવરી રેટ વધીને 98.72 ટકા થઈ ગયો છે. દૈનિક પોઝિટિવિટી રેટ 2.51 ટકા છે જ્યારે સાપ્તાહિક પોઝિટિવિટી રેટ વધીને 1.61 ટકા થઈ ગયો છે.
20.29 કરોડથી વધુ લોકોએ લીધા પ્રિકોશન ડોઝ
અત્યાર સુધીમાં દેશમાં કોરોના રસીના 217.68 કરોડથી વધુ ડોઝ આપવામાં આવ્યા છે. 102.61 કરોડથી વધુ લોકોને પ્રથમ ડોઝ મળ્યો છે. 94.76 કરોડથી વધુ બીજા ડોઝ આપવામાં આવ્યા છે. આ ઉપરાંત 20.29 કરોડથી વધુ લોકોને પ્રિકોશન ડોઝ પણ લગાવવામાં આવ્યા છે. છેલ્લા 24 કલાકમાં 11,67,772 લોકોએ રસી લીધી છે.
