અચાનક જ અસહ્ય ઠંડીની થયેલી શરૂઆતમાં આવી બ્રેક, જૂનાગઢને કાતિલ ઠંડીમાં રાહત

જુનાગઢ શહેર અને જિલ્લામાં છેલ્લા એક અઠવાડિયામાં હવામાનમાં ભારે બદલાવ જોવા મળ્યો છે અઠવાડિયાની શરૂઆતમાં દિવસોમાં ધીમે ધીમે ઠંડીનો પારો સતત ઉંચો જતો રહ્યો સાથે પવનની ગતિ અને ભેજનું પ્રમાણ પણ વધતું ગયું જેથી હાડ થીજવતી ઠંડીમાં અચાનક જ ઘટાડો થઈ ગયો અને જુનાગઢ શહેર જિલ્લામાં વાદળછાયુ વાતાવરણ છવાઈ ગયું હતું. આ સીઝનમાં શિયાળાની કડકડતી ઠંડી પડી ન હતી પરંતુ છેલ્લા અઠવાડિયામાં અસહ્ય ઠંડી પડવાની શરૂઆત થઈ ચૂકી હતી સોમવારથી ધીમે ધીમે ઠંડીની શરૂઆત થઈ હતી ગુરૂવાર અને શુક્રવારે પવનની ગતિ ઠંડી અને ભેજમાં પણ વધારો થયો હતો જેના કારણે આ બે દિવસ લોકોને બહાર નીકળવું પણ મુશ્કેલ કરી દીધું હોય તેવી ઠંડી પડી હતી. દિવસે પણ બહાર નીકળવામાં વિચાર કરવો પડે તેવી પડેલી ઠંડીમાં અચાનક જ પાંચ ડિગ્રીનો વધારો થવા સાથે પવનમાં પણ ઘટાડો થયો ભેજ પણ ઘટી ગયો જેના કારણે અચાનક ઠંડીમાં પણ મહંત અંશે ઘટાડો થયો હતો આ અઠવાડિયામાં સૌથી વધુ તાપમાનનો પારો 32 ડિગ્રી સુધી પહોંચી ગયો હતો અને લઘુતમ 16.1 ડિગ્રી તાપમાન નોંધાયું હતું પવનની ગતિ છેલ્લા અઠવાડિયામાં ગુરુવારે સૌથી વધુ પ્રતિ કલાક ઝડપ 8.3 કિ.મી રહી હતી અઠવાડિયાની સૌથી ઓછી પવનની ગતિ નોંધાઈ હતી અઠવાડિયામાં વાતાવરણમાં સતત ચડાવ ઉતાર એકીસાથે અસહ્ય ઠંડી અને દિવસભર વાદળછાયું વાતાવરણ હોવાથી ઠંડીમાં ઘટાડો થયો છે