ICC મહિલા T20 વર્લ્ડ કપ 2023ની ફાઇનલ આજે ઓસ્ટ્રેલિયા અને દક્ષિણ આફ્રિકા વચ્ચે રમાશે. બંને ટીમો વચ્ચેની આ મેચ કેપટાઉનના ન્યુલેન્ડ્સ મેદાન પર રમાશે. દક્ષિણ આફ્રિકાની મહિલા ટીમ પ્રથમ વખત T20 વર્લ્ડ કપની ફાઇનલમાં પહોંચી છે. આ સાથે જ ઓસ્ટ્રેલિયાએ રેકોર્ડ સાતમી વખત ફાઈનલની ટિકિટમેળવી છે. આ ટાઈટલ મેચમાં દક્ષિણ આફ્રિકાની નજર પ્રથમ વખત વર્લ્ડ ચેમ્પિયન બનવા પર હશે. આ સાથે જ કાંગારૂ ટીમ છઠ્ઠી વખત ટાઈટલ જીતવા માટે આગળ વધશે.
ઓસ્ટ્રેલિયા વર્લ્ડ કપમાં અજેય છે
ICC મહિલા T20 વર્લ્ડ કપ 2023માં ઓસ્ટ્રેલિયાની ટીમ અત્યાર સુધી અજેય છે. આ દરમિયાન કાંગારૂ ટીમે શાનદાર પ્રદર્શન કરીને તમામ ટીમોને હરાવી દીધી છે. ઓસ્ટ્રેલિયાએ ન્યૂઝીલેન્ડને 97 રને, બાંગ્લાદેશને 8 વિકેટે, શ્રીલંકાને 10 વિકેટથી અને દક્ષિણ આફ્રિકાને 6 વિકેટથી હરાવીને સેમિફાઇનલમાં જગ્યા બનાવીને વર્લ્ડ કપ અભિયાનની શરૂઆત કરી હતી. જ્યારે પ્રથમ સેમિફાઇનલમાં તેણે ભારતને 5 રને હરાવી ફાઇનલમાં પ્રવેશ કર્યો હતો.
દક્ષિણ આફ્રિકાનું સરેરાશ પ્રદર્શન
મહિલા વિશ્વ કપ 2023માં દક્ષિણ આફ્રિકાની ટીમનું પ્રદર્શન સરેરાશ રહ્યું હતું. દક્ષિણ આફ્રિકાની ટીમે તેની ચાર ગ્રુપ મેચોમાંથી 2 જીતી અને 2 હાર સાથે. સારા નેટ રન રેટના આધારે તે સેમી ફાઇનલમાં પ્રવેશવામાં સફળ રહી હતી. દક્ષિણ આફ્રિકાએ ગ્રુપ સ્ટેજમાં ન્યુઝીલેન્ડ અને બાંગ્લાદેશને હરાવ્યું હતું, જ્યારે ઓસ્ટ્રેલિયા અને શ્રીલંકા સામે હારનો સામનો કરવો પડ્યો હતો. બીજી તરફ, 24 ફેબ્રુઆરીએ રમાયેલી બીજી સેમિફાઇનલમાં દક્ષિણ આફ્રિકાએ ઇંગ્લેન્ડને હરાવીને વર્લ્ડ કપની ફાઇનલમાં પ્રવેશ કર્યો હતો.
સંભવિત પ્લેઇંગ ઇલેવન
ઑસ્ટ્રેલિયાની સંભવિત પ્લેઇંગ ઇલેવન: એલિસા હીલી, બેથ મૂની, મેગ લેનિંગ (સી), એશ્લે ગાર્ડનર, ગ્રેસ હેરિસ, એલિસ પેરી, તાહલિયા મેકગ્રા, જ્યોર્જિયા વેરહેમ, જેસ જોનાસન, મેગન શુટ, ડી’આર્સી બ્રાઉન.
સાઉથ આફ્રિકા સંભવિત પ્લેઈંગ ઈલેવન: લૌરા વોલ્વાર્ડ, તાજમીન બ્રિટ્સ, મેરિઝાન કેપ, ક્લો ટ્રાયોન, નાદીન ડી ક્લાર્ક, સુને લુસ (સી), એન્નેકે બોશ, સિનાલો જાફતા, શબનીમ ઈસ્માઈલ, અયાબોંગા ખાકા, નોનકુલુલેકો મ્લાબા
