Apple iPhoneના ચાહકો માટે આ વખતે વધુ એક સારા સમાચાર આવી રહ્યાં છે. હકીકતમાં Apple iPhone ટૂંક સમયમાં કસ્ટમર્સ માટે નવા કલર ઓપ્શન સાથે ઉપલબ્ધ થવા જઈ રહ્યું છે. Apple તેની iPhone સીરિઝ iPhone 14ને નવા કલર વેરિઅન્ટમાં લોન્ચ કરવાનો પ્લાન બનાવી રહી છે. ચીનની એક વેબસાઈટ દ્વારા જાહેર કરવામાં આવેલી માહિતી મુજબ આવનારા સમયમાં Apple iPhone કસ્ટમર્સને નવા કલર ઓપ્શનમાં ઓફર કરવામાં આવી શકે છે.
iPhone કયા નવા કલરમાં લોન્ચ થઇ શકે?
ચાઈનીઝ વેબસાઈટ પર શેર કરવામાં આવેલી ઈમેજ અને માહિતી મુજબ આઈફોનનો પીળો (યલો) કલર ઓપ્શન કસ્ટમર્સને ઓફર કરવામાં આવશે. અહેવાલો અનુસાર Appleની PR ટીમ આ માટે મીડિયા બ્રીફિંગની પણ યોજના બનાવી રહી છે. આ મીડિયા બ્રીફિંગ નવા કલર વેરિઅન્ટને ધ્યાનમાં રાખીને કરવામાં આવશે. યલો કલર સાથે iPhone 14નું લોન્ચિંગ આ વર્ષના મધ્યમાં થઈ શકે છે.
iPhone 14 આ કલર વેરિઅન્ટ સાથે આવે છે
Appleના નવા સ્માર્ટફોન iPhone 14 વિશે વાત કરીએ તો, તેને સાત બ્લુ, પર્પલ, મિડનાઈટ બ્લેક, સ્ટારલાઈટ વ્હાઇટ અથવા સિલ્વર અને રેડ કલર ઓપ્શન્સમાં લોન્ચ કરવામાં આવ્યા છે. તે જ સમયે iPhone 14 Proને EEP પર્પલ, ગોલ્ડ, સિલ્વર અને સ્પેસ બ્લેક જેવા કલર ઓપ્શન સાથે માર્કેટમાં લોન્ચ કરવામાં આવ્યા છે. જોકે, હાલમાં iPhone 14 Proને યલો કલર વર્ઝનમાં રજૂ કરવામાં આવશે કે નહીં તે અંગે કોઈ માહિતી પ્રાપ્ત થઈ નથી.
iPhone 15 લોન્ચ થવા માટે તૈયાર છે
Apple પણ આ વર્ષે માર્કેટમાં પોતાનો નવો ફોન iPhone 15 લૉન્ચ કરવાની તૈયારી કરી રહ્યું છે. જોકે, ભારતમાં iPhone 15 ક્યારે લોન્ચ થશે તે અંગે Apple દ્વારા કોઈ સત્તાવાર જાહેરાત કરવામાં આવી નથી. તે જ સમયે, Appleનો લેટેસ્ટ ફોન iPhone 14 બજારમાં અવાઇલેબલ છે.
