ICC મહિલા વિશ્વ કપ 2022 ન્યુઝીલેન્ડમાં યોજાવાનો છે. આ ટુર્નામેન્ટમાં ભારતીય ટીમ મિતાલી રાજની કેપ્ટનશીપમાં હશે.
ICC Women World Cup 2022 : ન્યૂઝીલેન્ડમાં યોજાનારા ICC મહિલા વર્લ્ડ કપ 2022 માટે ભારતીય મહિલા ક્રિકેટ ટીમ (Indian women’s cricket team)ની જાહેરાત કરવામાં આવી છે. મિતાલી રાજ (Mithali Raj)ની કપ્તાની હેઠળ 15 સભ્યોની ટીમની જાહેરાત કરવામાં આવી છે. હરમનપ્રીત કૌર (Harmanpreet Kaur)ને વર્લ્ડ કપ માટે વાઈસ કેપ્ટન બનાવવામાં આવી છે. તેમજ રિચા ઘોષ અને તાનિયા ભાટિયાને વિકેટકીપર તરીકે પસંદ કરવામાં આવી છે.
ભારતીય ટીમમાં સ્થાન મેળવી શક્યા નહિ
જેમિમા રોડ્રિગ્સ, શિખા પાંડે, હરલીન દેઓલ, રાધા યાદવ, વેદા કૃષ્ણમૂર્તિ જેવા ચહેરાઓ ભારતીય ટીમમાં સ્થાન મેળવી શક્યા નથી. જેમિમાનું પસંદ ન થવું સૌથી આશ્ચર્યજનક છે. તેને તાજેતરમાં ઈંગ્લેન્ડમાં ધ હન્ડ્રેડ અને ઓસ્ટ્રેલિયામાં મહિલા બિગ બેશ લીગમાં શાનદાર રીતે રમી હતી.
મહિલા વિશ્વ કપમાં ભારતીય ટીમની પ્રથમ મેચ 6 માર્ચ
#TeamIndia squad for ICC Women’s World Cup 2022 & New Zealand ODIs:
Mithali Raj (C), Harmanpreet Kaur (VC), Smriti, Shafali, Yastika, Deepti, Richa Ghosh (WK), Sneh Rana, Jhulan, Pooja, Meghna Singh, Renuka Singh Thakur, Taniya (WK), Rajeshwari, Poonam. #CWC22 #NZvIND pic.twitter.com/UvvDuAp4Jg
— BCCI Women (@BCCIWomen) January 6, 2022
જ્યારે સબીનને મેઘના, એકતા બિષ્ટ અને સિમરન દિલ બહાદુરને સ્ટેન્ડબાય ખેલાડીઓમાં રાખવામાં આવ્યા છે. મહિલા વિશ્વ કપમાં ભારતીય ટીમની પ્રથમ મેચ 6 માર્ચ 2022ના રોજ તૌરંગામાં પાકિસ્તાન સામે રમાશે. વર્લ્ડ કપમાં પાકિસ્તાન બાદ ભારતે ન્યૂઝીલેન્ડ (10 માર્ચ), વેસ્ટ ઈન્ડિઝ (12 માર્ચ), ઈંગ્લેન્ડ (16 માર્ચ), ઓસ્ટ્રેલિયા (19 માર્ચ), બાંગ્લાદેશ (22 માર્ચ) અને દક્ષિણ આફ્રિકા (27 માર્ચ) સામે રમવાનું છે. વર્લ્ડ કપ પહેલા ભારતીય ટીમ ન્યુઝીલેન્ડ સાથે વનડે સીરીઝ પણ રમશે. આ શ્રેણી 11 ફેબ્રુઆરીથી રમાશે. આમાં પાંચ મેચ રમાશે. વનડે શ્રેણી 24 ફેબ્રુઆરી સુધી ચાલશે. નેપિયરમાં એક અને નેલ્સન અને ક્વીન્સટાઉનમાં બે-બે મેચ રમાશે.
ICC મહિલા વિશ્વ કપ 2022 અને ન્યુઝીલેન્ડ ODI માટે ભારતીય ટીમ
મિતાલી રાજ (કેપ્ટન), હરમનપ્રીત કૌર (વાઈસ-કેપ્ટન), સ્મૃતિ મંધાના, શેફાલી વર્મા, યાસ્તિકા ભાટિયા, દીપ્તિ શર્મા, રિચા ઘોષ , સ્નેહ રાણા, ઝુલન ગોસ્વામી, પૂજા વસ્ત્રાકર, મેઘના સિંહ, રેણુકા સિંહ ઠાકુર, તાનિયા ભાટિયા. રાજેશ્વરી ગાયકવાડ અને પૂનમ યાદવ.
સ્ટેન્ડબાય પ્લેયર્સઃ Sabbhineni Meghana, એકતા બિષ્ટ અને સિમરન દિલ બહાદુર
ભારતે ન્યુઝીલેન્ડ પ્રવાસ પર યજમાન ટીમ સામે ટી20 મેચ પણ રમવાની છે. આ માટે ટીમની પણ જાહેરાત કરવામાં આવી છે. હરમનપ્રીત કૌરની કેપ્ટનશીપ હેઠળ આ મેચ માટે 16 સભ્યોની ટીમ પસંદ કરવામાં આવી છે.
ટી20 મેચ માટે ભારતીય ટીમ આ પ્રમાણે છે
હરમનપ્રીત કૌર (કેપ્ટન), સ્મૃતિ મંધાના (વાઈસ-કેપ્ટન), શેફાલી વર્મા, યાસ્તિકા ભાટિયા, દીપ્તિ શર્મા, રિચા ઘોષ (WK), સ્નેહ રાણા, પૂજા વસ્ત્રાકર, મેઘના સિંહ, રેણુકા સિંહ ઠાકુર, તાનિયા ભાટિયા (WK), રાજેશ્વરી ગાયકવાડ , પૂનમ યાદવ, એકતા બિષ્ટ, એસ મેઘના અને સિમરન દિલ બહાદુર.
