ડિરેક્ટોરેટ જનરલ ઓફ સિવિલ એવિએશન (DGCA) એ સ્પાઇસજેટ એરલાઇનના 90 પાઇલટ્સને બોઇંગ 737 મેક્સ એરક્રાફ્ટ ઉડાવવા પર પ્રતિબંધ મૂક્યો છે કારણ કે તેઓ યોગ્ય રીતે પ્રશિક્ષિત ન હતા. DGCAના મહાનિર્દેશક અરુણ કુમારે જણાવ્યું કે 90 પાયલટોને બોઇંગ 737 MAX ઉડાવવા પર રોક લગાવવામાં આવી છે. DGCAના સંતોષ માટે તેઓએ ફરીથી તાલીમ લેવી પડશે.
144 પાયલોટ 11 MAX વિમાન કરે છે સંચાલિત
જો કે આ પ્રતિબંધ MAX એરક્રાફ્ટના સંચાલનને અસર કરતું નથી. DGCAના મહાનિદેશક જનરલે જણાવ્યું કે સ્પાઈસજેટ હાલમાં 11 મેક્સ એરક્રાફ્ટનું સંચાલન કરે છે અને આ 11 એરક્રાફ્ટ ઓપરેટ કરવા માટે લગભગ 144 પાઈલટની જરૂર છે.
પાયલટ ફરીથી તાલીમ લેશે
તેમાંથી MAX પર 650 પ્રશિક્ષિત પાઇલોટમાંથી 560 હજુ પણ ઉપલબ્ધ છે. પાઇલટોને MAX સિમ્યુલેટર પર યોગ્ય પુનઃપ્રશિક્ષણમાંથી પસાર થવું પડશે. DGCAનું આ પગલું ચાઇના એરલાઇન દ્વારા સંચાલિત 737-800 વિમાનોના દક્ષિણ ચીનમાં પર્વતોમાં ક્રેશ થયા બાદ આવ્યું છે. આ દુર્ઘટનામાં 132 લોકોના મોત થયા હતા.
આ એરલાઇન્સના કાફલામાં છે બોઇંગ 737 એરક્રાફ્ટ
સ્પાઈસ જેટ, વિસ્તારા અને એર ઈન્ડિયા એક્સપ્રેસ જેવી ભારતીય એરલાઈન્સ પોતાના કાફલામાં બોઈંગ 737 એરક્રાફ્ટનું સંચાલન કરે છે. તેમણે એમ પણ જણાવ્યું કે દોષ માટે જવાબદાર સામે કડક પગલાં લેશે.
