કોરોનાને લઈને મોટાભાગની ઓફિસો વર્ક ફ્રોમ હોમ કરાવી રહી છે. જેને લઈને મોટાભાગના લોકોને ડોક અને પીઠનો દુખાવો થઈ રહ્યો છે. કોમ્પ્યુટર કે લેપટોપ પર કામ કરતી વખતે પોશ્ચરની તકલીફ રહેતી હોય છે. જેના કારણે ડોકનો દુખાવો, કમરના દુખાવાની સમસ્યાથી પીડિત છે. આવો જાણીએ તેના ઉપાયો…..
ડોક ફેરવો
જો તમારી ડોક અકડાઈ જાતી હોય તો થોડા થોડા સમયે ડોકને ડાબી અને જમણી બાજુ ફેરવવી. એટલે થોડી રાહત મળશે. આ કામ ખુરશી પર બેસીને પણ કરી શકાય છે. લગભગ 10-10 વખત ડોકને બંને બાજુ ફેરવો.
દરરોજ હીટિંગ પેડથી કોમ્પ્રેસ કરવાથી પણ દુખાવામાં રાહત મળશે અને શિયાળામાં તમને સારું પણ લાગશે. પરંતુ વધુ પડતો દુખાવો થાય તો તેને અવગણશો નહીં અને ડૉક્ટરનો સંપર્ક કરો.
કમરના દુખાવામાં રાહત મેળવો
કમરના દુખાવામાં રાહત મેળવવા માટે શલભાસન, ભુજંગાસન અને ઉષ્ટાસન જેવા આસાન કરીને તમે કમરના દુખાવામાં રાહત મેળવી શકે છે.
કમરદર્દના અનેક કારણો છે. જેમકે માંસપેશીઓ પર વધુ તણાવ, વધુ વજન, ખોટી રીતે બેસવુ, હંમેશા ઉંચી એડીના જુતા કે સેન્ડલ પહેરવા, ખોટી રીતે વધુ વજન ઉઠાવવુ, શરીરમાં લાંબા સમયથી કોઇ બિમારી હોવી. વધુ નરમ ગાદી પર બેસવુ વગેરે. કમર દર્દથી બચવા માટે કેટલાક ઘરેલુ નુસખા અપનાવવા જેવા છે.
પીઠનો દુખાવો સામાન્ય છે. તેની પાછળનું કારણ સ્નાયુમાં તણાવ, સ્નાયુમાં ખેંચાણ હોઈ શકે છે. ઉભા રહીને સતત કામ કરવાની ટેવને કારણે પીઠના દુખાવાની સમસ્યા ઘણી વધી રહી છે. મોટાભાગની મહિલાઓ આ સમસ્યાથી પીડાય છે.
