(જી.એન.એસ) તા. 31
વલસાડ,
વલસાડના કુંડી ગામ નજીક નેશનલ હાઈવે 48 પર એક ટ્રકે સાઈકલ સવારને અડફેટે લેતા અકસ્માતની ઘટના બનવા પામી. ટ્રકની અડફેટે આવતા સાઈકલ સવાર નીચે પટકાયો. અને ગંભીર ઇજાના કારણે ઘટનાસ્થળ પર સાઈકલ ચાલકનું મોત નિપજયું.
આ અકસ્માતની પ્રાપ્ત વિગત મુજબ વડોદરાના નેશનલ હાઈવે પર ફરી એક વખત ટ્રક ચાલકની બેદરકારીએ અકસ્માત સર્જ્યો હોવાની ઘટના સામે આવી છે. કુંડી ગામ નજીક નેશનલ હાઈવે 48 પર આ અકસ્માતની ઘટના બનવા પામી છે. નેશનલ હાઈવે પર બ્રિજ પરથી પસાર થા ટ્રક ચાલકે બેફામપણે વાહન હંકારતા સાઈકલ સવારને અડફેટે લીધો. ઓવરબ્રિજ પર ચઢાણ હોવા છતાં ડ્રાઈવર ફૂલ સ્પીડમાં ટ્રક હંકારી રહ્યો હતો. આ નેશનલ હાઈવે પર એક સાઈકલ ચાલક પોતાના કામે નીકળ્યો હતો. પોતાના કામ પર પંહોચે તે પહેલા સાઈકલ સવાર અકસ્માતનો શિકાર થયો. બ્રિજ પરથી પસાર થતી વખતે પૂરપાટ વેગે પસાર થતી ટ્રકે સાઈકલ સવારને અડફેટે લીધો.
નેશનલ હાઈવે 48ના બ્રિજ પરથી પસાર થતી ટ્રક સાથે ટક્કર થતાં સાઈકલ ચાલક નીચે પટકાયો. ખાસ્સી ઉંચાઈએથી નીચે રોડ પર પટકાતા જ સાઈકલ ચાલકના માથામાં ગંભીર ઇજા થઈ. માથામાં ગંભીર ઇજાના પગલે સાઈકલ ચાલકનું ઘટનાસ્થળ પર જ મોત નિપજયું. પોલીસે ઘટનાની જાણ થતા જ નેશનલ હાઈવે નંબર 48 પર પંહોચી ગઈ. પોલીસે સ્થળ પર પંહોચી ટ્રક ચાલકને ઝડપી પાડ્યો. નોંધનીય છે કે હમણાં બે દિવસ પહેલા પણ આ જ નેશનલ હાઈવે પર ટેન્કરમાં કાર ઘુસી જતા અકસ્માત બનવા પામ્યો હતો.
