PM Free Laptop Scheme 2023: ડિજિટલ ઈન્ડિયા મિશન સાથે સ્માર્ટફોન અને લેપટોપ મોટાભાગના લોકોની જરૂરિયાત બની ગયા છે. ભૂતકાળમાં વિવિધ રાજ્ય સરકારો વતી ટેબ્લેટ અને લેપટોપનું વિતરણ પણ કરવામાં આવ્યું છે. આ દિવસોમાં સોશિયલ મીડિયા પર એક નોટિસ વાયરલ થઈ રહી છે. આ વાયરલ નોટિસમાં દાવો કરવામાં આવી રહ્યો છે કે ભારત સરકાર (Government Of India) યુવાનોને ફ્રી લેપટોપ આપી રહી છે.
દાવો સંપૂર્ણપણે ખોટો
મેસેજમાં એવો દાવો કરવામાં આવી રહ્યો છે કે ‘પ્રાઈમ મિનિસ્ટર ફ્રી લેપટોપ સ્કીમ 2023’ (Prime Minister Free Laptop Scheme 2023) હેઠળ લેપટોપ આપવામાં આવી રહ્યા છે. પરંતુ જ્યારે સોશિયલ મીડિયા પર વાયરલ થઈ રહેલા આ દાવાની પીઆઈબી ફેક્ટ ચેક (PIB Fact Check) કરવામાં આવી તો આ દાવો તદ્દન ખોટો હોવાનું જાણવા મળ્યું. જો તમને આવો કોઈ સંદેશ મળ્યો હોય, તો તમારે તેની હકીકત જાણવી જ જોઈએ.
આ પ્રકારની કોઈ યોજનાનું સંચાલન નથી કરવામાં આવી રહ્યું
વાયરલ થઈ રહેલા મેસેજની પીઆઈબી ફેક્ટ ચેક બાદ વાસ્તવિકતા બહાર આવી હતી. ફેક્ટ ચેકના આધારે જણાવવામાં આવ્યું હતું કે, શિક્ષણ મંત્રાલય દ્વારા આવી કોઈ યોજના ચલાવવામાં આવી રહી નથી. સરકારના અધિકૃત ફેક્ટ ચેકર ‘PIB ફેક્ટ ચેક’એ લોકોને આવા કોઈ ભ્રામક મેસેજ ફોરવર્ડ ન કરવા જણાવ્યું છે.
ખોટા મેસેજને ફોરવર્ડ ના કરવા અપીલ
સરકારના અધિકૃત ફેક્ટ ચેકર ‘પીઆઈબી ફેક્ટ ચેક’ (PIB Fact Check) એ લોકોને આવા કોઈ ભ્રામક મેસેજ ફોરવર્ડ ન કરવા જણાવ્યું છે. PIB ફેક્ટ ચેક દ્વારા મેસેજમાં કહેવામાં આવ્યું હતું કે, આ દાવો સંપૂર્ણપણે નકલી છે. સરકાર દ્વારા આવો કોઈ આદેશ આપવામાં આવ્યો નથી.
વાયરલ મેસેજમાં શું છે?
સોશિયલ મીડિયા પર વાયરલ થઈ રહેલા મેસેજમાં શિક્ષણ મંત્રાલય યુવાનોને ફ્રી લેપટોપ આપવાનો દાવો કરી રહ્યું છે. આ નોટિસમાં લખવામાં આવ્યું છે કે ધોરણ 11, 12, BAના દરેક સેમેસ્ટરના વિદ્યાર્થીઓને ‘પ્રધાનમંત્રી ફ્રી લેપટોપ યોજના 2023’ હેઠળ લેપટોપ આપવામાં આવશે. તેમાં લેપટોપના ફીચર્સ વિશે પણ જણાવવામાં આવ્યું છે.
