Twitterના નવા ફીચર્સઃ સોશિયલ મીડિયા પ્લેટફોર્મ ટ્વિટરના માલિક એલોન મસ્કે કેટલાક નવા ફીચર્સ જાહેર કર્યા છે, જે આવતા સપ્તાહની શરૂઆતમાં રજૂ કરવામાં આવશે. મસ્કે ટ્વીટ કરીને આ જાણકારી આપી છે. કંપની આ સપ્તાહના અંત સુધીમાં આ ફીચરને રોલઆઉટ કરવાનું શરૂ કરશે. આ સિવાય બે વધુ ફીચર રોલઆઉટ થવાના છે.
આ ફીચર્સ ટૂંક સમયમાં ટ્વિટર પર રોલઆઉટ કરવામાં આવશે
ટ્વિટર જે નવા ફીચર્સ રોલ આઉટ કરવાની તૈયારી કરી રહ્યું છે તેમાં બીજી એક સુવિધા છે – બુકમાર્ક બટન. મસ્કએ કહ્યું છે કે આ ફીચર એક અઠવાડિયા પછી યુઝર્સને આપવામાં આવશે. આ સિવાય ત્રીજું ફીચર જે આવવાનું છે તે છે- લોંગ ફોર્મ ટ્વીટ ફીચર. મસ્કના જણાવ્યા અનુસાર, આ ફીચર ફેબ્રુઆરીની શરૂઆતમાં રોલઆઉટ કરવામાં આવનાર છે.
નવા ફીચર્સ જે યુઝર્સને પસંદ આવી રહ્યા છે
ટ્વિટર યુઝર્સ એલોન મસ્ક દ્વારા જાહેર કરાયેલી નવા ફિચર્સ વિશે ઉત્સાહિત લાગે છે. એક યુઝરે ટ્વીટનો જવાબ આપતા લખ્યું, “લાંબા ફોર્મ ટ્વીટ ફીચરની રાહ નથી જોઈ શકતો. અત્યાર સુધી નવા ફેરફારો અને અપડેટ સારા છે.”
ટ્વિટર ફરી એકવાર છટણીની તૈયારીમાં
ટ્વિટર ફરી એકવાર છટણીની તૈયારી કરી રહ્યું છે. રસપ્રદ વાત એ છે કે, આ વખતે ગ્લોબલ કન્ટેન્ટ મોડરેશનને હેન્ડલ કરતી ટ્રસ્ટ અને સેફ્ટી ટીમ તેમજ હેટ સ્પીચ અને હેરેસમેન્ટ યુનિટના કર્મચારીઓને નિશાન બનાવવામાં આવ્યા છે. આ ટીમો પહેલાથી જ સ્ટાફની અછતનો સામનો કરી રહી છે. બ્લૂમબર્ગે સૂત્રોને ટાંકીને આ સમાચાર આપ્યા છે. શુક્રવારે રાત્રે ટ્વિટરની ડબલિન અને સિંગાપોરની ઓફિસમાં ડઝનેક કામદારો છટણીને કારણે પ્રભાવિત થયા છે. જેમાં તેમના ઘણા મોટા અધિકારીઓનો સમાવેશ થાય છે.
