સાઉથ કોરિયન ઓટો કંપની Kia ભારતીય માર્કેટમાં ઇલેક્ટ્રિક વ્હીકલ સેગમેન્ટમાં પ્રવેશવાની યોજના બનાવી રહી છે. કંપની ટૂંક સમયમાં નવી Kia EV6 પ્યોર ઇલેક્ટ્રિક SUVને CBU તરીકે રજૂ કરશે. નવી Kia નાની ઇલેક્ટ્રિક એસયુવી 2025માં લોન્ચ થવાની ધારણા છે. EVનું ડેવલપમેન્ટ શરૂ થઇ ગયું છે. નવી ઇલેક્ટ્રિક કાર લવચીક પ્લેટફોર્મ પર આધારિત હશે, જે માસ માર્કેટ એન્ટ્રી-લેવલ પેટ્રોલ એસયુવીને પણ અન્ડરપિન કરશે.
Kia 2022 માં ભારતમાં EV6 રજૂ કરીને EV સ્પેસ ઉતરશે..જે મારુતિ સુઝુકી અને ટોયોટાને ખાસ ટક્કર આપશે.. કારણ કે તેઓ પણ 2025ની આસપાસ ઇલેક્ટ્રિક વાહન સેગમેન્ટમાં સ્પર્ધા કરવાની તૈયારી કરી રહ્યાં છે. EV સેગમેન્ટમાં ટાટા મોટર્સ દ્વારા હાલમાં ઓફર કરવામાં આવતી પ્રોડક્ટ્સ લગભગ 90% માર્કેટ શેર ધરાવે છે. 2025 સુધીમાં, ટાટા મોટર્સ અને મહિન્દ્રા પાસે ભારતીય બજારમાં લગભગ 12 ઇલેક્ટ્રિક વાહનો હશે.
વૈશ્વિક સ્તરે, કિયાનું લક્ષ્ય 2030 સુધીમાં 14 ઇલેક્ટ્રિક વાહનો રજૂ કરવાનું છે. આ વર્ષે, Kia એ ભારતના ઉભરતા બજારો માટે A+ સેગમેન્ટ EV અથવા એન્ટ્રી SUV EV, એક EV પિક-અપ ટ્રક અને બીજા મોડલને મંજૂરી આપી છે. 2021માં Kia માટે ભારત સૌથી ઝડપથી વિકસતું બજાર રહ્યું છે. કિયા ઈન્ડિયા વૈશ્વિક વૃદ્ધિ માટે સ્પર્ધા કરી રહી છે જે કિયાના વૈશ્વિક ઉત્પાદનના લગભગ 10% અને તેની કુલ આવકના લગભગ 8% છે.
Kia ભારતમાંથી લગભગ 80,000 કારની નિકાસ કરવાનું લક્ષ્ય ધરાવે છે. કંપની હાલમાં 90 થી વધુ દેશોમાં નિકાસ કરે છે. Kia વૈશ્વિક બજારમાં Carence MPV ની નિકાસ પણ શરૂ કરશે. કિયા પહેલેથી જ સોનેટના રૂપમાં એન્ટ્રી-લેવલ એસયુવી વેચે છે.
