આજે અમે તમને રેયાન કાઝીનો પરિચય કરાવીએ છીએ. આવો એક કરામતી બાળક કે જેણે ડાયપર પહેરવાની ઉંમરથી જ કરોડો રૂપિયા કમાવવાના શરૂ કર્યા હતા. આટલું જ નહીં 9 વર્ષની ઉંમર સુધીમાં રિયાને 800 કરોડ રૂપિયાથી વધુની મૂડી એકત્ર કરી લીધી હતી. હવે તમે વિચારતા જ હશો કે આ બાળક કેવું કામ કરે છે, જેની કમાણી કરોડો રૂપિયામાં જાય છે. જાણીને તમને વિશ્વાસ નહીં થાય, પરંતુ રેયાન દર વર્ષે 140 કરોડ રૂપિયાની કમાણી કરે છે.
રેયાનનો જન્મ અમેરિકાના ટેક્સાસ રાજ્યના હ્યુસ્ટન શહેરમાં થયો હતો. રેયાનને નાનપણથી જ રમકડાંનો ખૂબ શોખ હતો અને તેના માતા-પિતાએ માત્ર 3 વર્ષની ઉંમરથી તેની યુટ્યુબ ચેનલ Ryans World (ryans.world) બનાવી હતી. માત્ર 3 વર્ષની ઉંમરથી જ રિયાને રમકડાંની રિવ્યૂ કરવાનું શરૂ કર્યું અને ધીમે ધીમે તેની લોકપ્રિયતા ઘણી વધી ગઈ. સ્થિતિ એ છે કે રેયાન હાલમાં યુટ્યુબની દુનિયામાં સૌથી વધુ કમાણી કરનાર સેલિબ્રિટી બની ગયો છે. ફોર્બ્સે માત્ર 7 વર્ષની ઉંમરે રેયાનને હાઈ અર્નિંગ કરનારા યુટ્યુબર્સની યાદીમાં સામેલ કર્યો હતો.
કોણ છે ટાર્ગેટ વ્યૂઅર્સ
રેયાન ખાસ કરીને 3 થી 6 વર્ષના બાળકોને ટાર્ગેટ કરીને તેના રમકડાંની સમીક્ષા કરે છે. હાલમાં YouTube Ryan’s World પર તેના 3.39 કરોડથી વધુ સબ્સ્ક્રાઇબર્સ છે અને અત્યાર સુધીમાં આ ચેનલ પર 53.2 બિલિયન વ્યૂઝ આવી ચૂક્યા છે. રેયાનની આ સ્વપ્નશીલ સફળતા માટે કિડ્સ ચોઈસ એવોર્ડ ફોર ફેવરિટ મેલ સોશિયલ સ્ટાર માટે પણ નોમિનેટ કરવામાં આવ્યો છે. વર્ષ 2018માં રેયાનની કમાણી લગભગ 142 કરોડ રૂપિયા હતી. હાલમાં તેની કમાણીનો આંકડો હવે વાર્ષિક 150 કરોડ રૂપિયાને પાર કરી ગયો છે. ફોર્બ્સ મુજબ, રેયાન 9 વર્ષનો હતો ત્યાં સુધીમાં તેનું ટર્નઓવર 800 કરોડ રૂપિયાથી વધુ હતું.
1,600 પ્રોડક્ટ પર ઉપયોગ થાય છે નામ
રેયાનની લોકપ્રિયતા કેટલી વધી છે, તમે એ વાત પરથી અંદાજ લગાવી શકો છો કે આજે દુનિયાના 30 દેશોમાં તેનું નામ વપરાય છે. રેયાનના નામથી વિશ્વભરમાં લગભગ 1,600 પ્રોડક્ટ્સ વેચાઈ રહી છે. તેમાં સ્કેચર્સ, પાયજામા, રોબ્લોક્સ, બેડિંગ, વોચે, રમતગમતની વસ્તુઓ, વોટર બોટલ, ફર્નિચર, ટૂથપેસ્ટ અને રમકડાંનો સમાવેશ થાય છે.
