ગીર ગઢડા તાલુકાના સીમાસી ગામે મારામારીના બનાવમાં સામસામી ૧૫ શખ્સો સામે સામે ફરિયાદ

ગીર ગઢડા તાલુકાના સીમાસીમાં મારામારીનો બનાવ બન્યો હતો. અને મામલો પોલીસ મથકે પહોંચતા તપાસ હાથ ધરાઈ હતી. ઊના પંથકના સીમાસી ગામે રહેતા સુલ્તાન યુસુફ સમા, ઇરફાન ઉર્ફે ચાકુ ઇસુબ સમા, અકરમ અલી દલ, હિરોજ જીણા દલ, સદામ હુશેન દલ, સલીમ જુસબ જુણેજા, સલીમ મુરાદ દલ, અનીશ રહીમ જુણેજા, આરીફ રહીમ જુણેજા, રૂસ્તમ રહીમ જુણેજા, સુલ્તાન આમન દલ સહીતના તમામ શખ્સોએ એકમંડળ રચી રહીમભાઇ ઉર્ફે બીડી વલીભાઇ વાકોટ અગાઉ ત્રણ વર્ષ પહેલા કુંટુબી સામે ફરીયાદ થયેલ હોય તેનું મનદુઃખ રાખી સુલ્તાનએ તુ મારા સામુ ડોળા શું કામ કાઢે છે તેમ કહી રહીમભાઇનો કાઠલો પકડી લીધેલ ત્યારે આ શખ્સો આવી લાકડી વડે શરીરે આડેધર ઢોરમાર મારતા તેમના ભાઇ અબાસભાઇ તેમજ સબીરભાઇ વચ્ચે પડી છોડાવવા જતાં તેમને પણ લાકડાના ધોકા વડે મારમારી ત્રણેય યુવાનો ઇજા થતાં લોહીલોહાણ હાલતમાં ઇમજન્સી ૧૦૮માં ઉના સરકારી હોસ્પીટલમાં પ્રાથમિક સારવાર કર્યા બાદ જુનાગઢ ખાતે રીફર કરવામાં આવેલ છે. આ બાબતે રહીમભાઇ ઉર્ફે બીડી વલી વાકોટે ગીરગઢડા પોલીસમાં ફરીયાદ નોંધાવેલ છે. જ્યારે સામે પક્ષે સીમાસી ગામે રહેતા રહીમ ઉર્ફે બીડી વલી વાકોટ, અબ્બાસ વલી વાકોટ, નજીર આદમ વાકોટ તેમજ હુશેન દાઉદ વાકોટના સગાઓએ અકરમ અલી દલ સામે અગાઉ ફરીયાદ કરેલ હોય તેનુ મનદુઃખ ચાલતુ હોય જેના કારણે આ શખ્સોએ સુહાનાબેનને ગાળો આપી ઝાપટ મારી દીધેલ અને લોખંડના પાઇપ વડે પગ, હાથમાં થા મારેલ અને સોડા બાટલીના છુટા ઘા કરતા સાહેદ રોશનબેન તેમજ ઇરફાનભાઇને ગંભીર ઇજા પહોંચતા ઇમરજન્સી ૧૦૮માં તાત્કાલીક ઉના ખાનગી હોસ્પીટલે સારવાર અર્થે ખસેડાયેલ ત્યાંથી વધુ સારવાર માટે જુનાગઢ રીફર કરેલ છે.