અમદાવાદ – મુંબઈ સેન્ટ્રલ શતાબ્દી એક્સપ્રેસ ગાંધીનગર કેપિટલ સ્ટેશનથી 24 ડિસેમ્બરથી ચાલુ કરવામાં આવી છે . જેમાં અમદાવાદ , નડિયાદ , આણંદ , વડોદરા , ભરૂચ , સુરત , વાપી અને બોરીવલી સ્ટેશનનો સ્ટોપેજ તરીકે સમાવેશ કરવામાં આવ્યો છે . જેથી ચરોતરને વધુ એક ટ્રેનની સુવિધા મળી રહી છે . મુસાફરોની માંગને ધ્યાનમાં રાખીને , રેલ્વે પ્રશાસન દ્વારા ટ્રેન નંબર 12009/12010 મુંબઈ સેન્ટ્રલ • અમદાવાદ શતાબ્દી એક્સપ્રેસ ટ્રેનને ગાંધીનગર કેપિટલ સ્ટેશન સુધી લંબાવવામાં આવી રહી છે . આ ટ્રેન નં . 12009 મુંબઈ સેન્ટ્રલ – અમદાવાદ શતાબ્દી એક્સપ્રેસ 24 ડિસેમ્બરથી દરરોજ ( રવિવાર સિવાય ) મુંબઈ સેન્ટ્રલથી 06:10 વાગ્યે ઉપડશે અને 12.22 વાગ્યે અમદાવાદ પહોંચશે . 12.37 વાગ્યે રવાના થઈ 13.40 વાગ્યે ગાંધીનગર કેપીટલ પહોંચશે . આજ પ્રકારે ટ્રેન નં . 12010 અમદાવાદ – મુંબઈ સેન્ટ્રલ શતાબ્દી એક્સપ્રેસ ગાંધીનગરથી 14.20 વાગ્યે ઉપડીને 15.00 વાગ્યે અમદાવાદ પહોંચશે અને 15.05 વાગ્યે રવાના થઈ 21.45 વાગ્યે મુંબઈ સેન્ટ્રલ પહોંચશે . આ બંને દિશામાં માર્ગમાં આ ટ્રેન અમદાવાદ , નડિયાદ , આણંદ , વડોદરા , ભરૂચ , સુરત , વાપી અને બોરીવલી સ્ટેશનો પર ઉભી રહેશે . આથી ચરોતરને વધુ એક ટ્રેનની સુવિધા મળી રહેશે.આ ટ્રેનના સંચાલન સમય , સ્ટોપેજ અને ટ્રેનના બંધારણ સંબંધિત વિગતવાર માહિતી માટે મુસાફરો www.enquiry.indianrail.gov.in ની મુલાકાત લઈ શકે છે . પશ્ચિમ રેલવેએ મુસાફરોને બોર્ડિંગ , મુસાફરી અને ગંતવ્ય દરમિયાન COVID – 19 સંબંધિત તમામ ધોરણો અને એસઓપીનું પાલન કરવાનું રહેશે . અમદાવાદ – મુંબઈ સેન્ટ્રલ શતાબ્દી એક્સપ્રેસ ગાંધીનગર કેપિટલ સ્ટેશનથી 24 ડિસેમ્બર 2021 થી ચાલુ કરાશે .
