આજે અમે તમને એક નવા પ્રકારની રેસિપી બનાવતા શિખવાડીશું જેનું નામ છે દહીં શાકની કઢી. બહુ ઓછા લોકો જાણે છે કે આ કઢી કૃષ્ણ ભગવાનના 56 ભોગોમાંથી એક છે. કહેવાય છે કે આ કઢી કૃષ્ણ ભગવાનને બહુ પ્રિય છે. આ કઢી તમે એક વાર ઘરે બનાવશો તો વારંવાર બનાવવાની ઇચ્છા થશે. આ કઢી ટેસ્ટમાં બહુ જ મસ્ત લાગે છે. તો જાણો ઘરે કેવી રીતે બનાવશો દહીં શાક કઢી.
સામગ્રી
800 ગ્રામ દહીં
200 ગ્રામ નમકીન સિંગ
3 થી 4 કટ કરેલી ડુંગળી
5 ચમચી તેલ
લાલ મરચુ
હળદર
મીઠું
કોથમીર
જીરું
હિંગ
તમાલ પત્ર
તજ
લવિંગ
અજમો
મીઠો લીમડો
બનાવવાની રીત
-
- દહીં શાક કઢી બનાવવા માટે સૌ પ્રથમ નમકીન મગફળીમાંથી ફોતરા કાઢી લો.
- ત્યારબાદ આ સિંગમાં જીરું, તજ, લવિંગ, અજમો, લીલા મરચા, તમાલ પત્ર નાંખીને ધીમા ગેસે થવા દો.
- હવે આ શેકેલા મસાલાને ખલમાં કુટીને પાવડર બનાવી લો.
- ત્યારબાદ મગફળીને પણ ક્રશ કરી લો. ખાસ ધ્યાન એ રાખો કે આનો પાવડર ના બની જાય.
- પછી એક કઢાઇ લો અને એમાં તેલ ગરમ કરવા માટે મુકો.
- તેલ ગરમ થઇ જાય એટલે એમાં મીઠો લીમડો નાંખો.
- ત્યારબાદ આ તેલમાં જીરું અને હિંગ નાંખો.
- હવે આ તેલમાં ડુંગળી નાંખો અને આછા બ્રાઉન રંગની થાય ત્યાં સુધી સાંતળો.
- પછી મીઠું નાંખો અને મિક્સ કરી લો.
- મીઠું નાખ્યા પછી લાલ મરચુ, હળદર, ગરમ મસાલો નાંખો અને બરાબર મિક્સ કરી લો.
- હવે આમાં જરૂર મુજબ ખાંડ નાંખો.
- ત્યારબાદ ઉપર તૈયાર કરેલો મસાલો નાંખો.
- હવે આ મિશ્રણમાં દહીં નાંખો અને બરાબર મિક્સ કરી લો.
- તો તૈયાર છે દહીં શાક કઢી.
- હવે કોથમીર નાંખીને સર્વ કરો.
- આ કઢી ટેસ્ટમાં બહુ જ મસ્ત લાગે છે.
- આ કઢી તમારા ઘરે કોઇ મહેમાન આવવાનું છે અને તમે બનાવો છો અને મહેમાનને પીરસો છો તો મહેમાન ખુશ-ખુશ થઇ જશે.
- આ કઢી તમે પણ મોડુ કર્યા વગર આજે જ ઘરે બનાવો અને સ્વાદ માણો.
