સ્માર્ટફોન બ્રાન્ડ Pocoએ સોમવારે તેના નવા Poco M5 સ્માર્ટફોન લોન્ચ કરવાની જાહેરાત કરી છે. આ ફોનની સત્તાવાર જાહેરાત કરતી વખતે, કંપનીએ કહ્યું કે, Poco M5 ભારતમાં 5 સપ્ટેમ્બરે લોન્ચ થશે. જો કે, લોન્ચ પહેલા જ આ ફોનના ઘણા સ્પેસિફિકેશન પણ લીક થઈ રહ્યા છે. લીક્સ અનુસાર, ફોન MediaTek Helio G99 પ્રોસેસર સાથે ઓફર કરી શકાય છે. તેમજ 5,000mAh બેટરીવાળા ફોનમાં ફાસ્ટ ચાર્જિંગ માટે સપોર્ટ આપવામાં આવશે.
Poco M5ની સંભવીત કિંમત
લીક્સ અનુસાર, Poco M5 ભારતમાં 15,000 રૂપિયાથી ઓછી કિંમતે ઓફર કરી શકાય છે. જોકે, કંપનીએ ફોનની કિંમત અંગે કોઈ માહિતી આપી નથી.
Poco M5ની સંભવિત વિશિષ્ટતાઓ
ફોનને 4G કનેક્ટિવિટી અને એન્ડ્રોઇડ 12 સાથે ઓફર કરવામાં આવશે. આ ફોનમાં 6.58ની ફુલ એચડી પ્લસ એલસીડી ડિસ્પ્લે મળી શકે છે. ફોનમાં Octa-core MediaTek Helio G95 પ્રોસેસર સાથે 6 GB LPDDR4X રેમ સાથે 128 GB UFS 2.2 સ્ટોરેજ હશે.
Poco M5ના કેમેરા વિશે વાત કરીએ તો, આ ફોનમાં ક્વોડ કેમેરા સેટઅપ આપવામાં આવી શકે છે, જે 64 મેગાપિક્સલનો પ્રાઇમરી કેમેરા, 8 મેગાપિક્સલ અલ્ટ્રાવાઇડ અને 2 મેગાપિક્સલનો મેક્રો લેન્સથી સજ્જ હશે. આ ફોનમાં સેલ્ફી માટે 13 મેગાપિક્સલનો ફ્રન્ટ કેમેરો મળી શકે છે. Poco M5 ફોનમાં 5,000mAh બેટરી અને 33W ફાસ્ટ ચાર્જિંગ સપોર્ટ પણ આપી શકાય છે. કનેક્ટિવિટી માટે ફોનમાં ડ્યુઅલ બેન્ડ Wi-Fi અને બ્લૂટૂથ v5 સપોર્ટ કરી શકાય છે.
