Microsoft Outlookની Lite એપ લોન્ચ કરવામાં આવી છે, જે ઓછી સ્ટોરેજવાળા એન્ડ્રોઈડ યુઝર્સ માટે મોટી ભેટ છે. કારણ કે તમે ઓછી રેમ અને સ્ટોરેજવાળા ફોનમાં પણ તેનો ઉપયોગ કરી શકશો. માઈક્રોસોફ્ટ આઉટલુક લાઈટ ભારત ઉપરાંત આર્જેન્ટિના, બ્રાઝિલ, ચિલી, કોલંબિયા, મેક્સિકો, પેરુ અને થાઈલેન્ડ જેવા દેશોમાં પણ લોન્ચ કરવામાં આવી છે. Microsoft Outlook Lite સંસ્કરણ Hotmail, Live, MSN અને Microsoft 365 તેમજ Microsoft Exchange Online એકાઉન્ટ્સને સપોર્ટ કરશે.
કંપનીએ પોતાના બ્લોગ દ્વારા Microsoft Outlook Liteના લોન્ચ વિશે માહિતી આપી છે. આઉટલુક લાઇટ એપ હાલમાં ફક્ત એન્ડ્રોઇડ યુઝર્સ માટે જ રિલીઝ કરવામાં આવી છે. iPhone યુઝર્સે રાહ જોવી પડી શકે છે. કંપનીએ એમ પણ કહ્યું છે કે, આ એપ ટૂંક સમયમાં અન્ય દેશોમાં પણ રિલીઝ કરવામાં આવશે. Outlook Lite એપ્લિકેશન દ્વારા, કંપની એન્ડ્રોઇડ ગો અથવા એન્ટ્રી-લેવલ ફોન ધરાવતા વપરાશકર્તાઓને આકર્ષવા માંગે છે.
Outlook Liteનું કદ માત્ર 5 MB છે. કંપનીના જણાવ્યા અનુસાર, એન્ડ્રોઇડ એપ માટે લોન્ચ કરવામાં આવેલી આ Outlook Lite એપમાં યુઝર્સને ઈમેલ, કેલેન્ડર, કોન્ટેક્ટ અને બીજા ઘણા ફીચર્સ મળશે. આ એપને તમામ એન્ડ્રોઈડ ડિવાઈસ માટે ઓપ્ટિમાઈઝ કરવામાં આવી છે, જેથી કોઈપણ યુઝરને કોઈ સમસ્યાનો સામનો ન કરવો પડે.
