પાંચ રાજ્યમાં વિધાનસભા ચૂંટણી માટે મતદાન પૂર્ણ થતા જ પેટ્રોલ-ડીઝલના ભાવ વધવાની આશંકા વધી છે. પેટ્રોલ-ડીઝલના ભાવમાં ફરી વધારો થઇ શકે છે આ ડરને કારણે પેટ્રોલ પંપ પર પેટ્રોલ ભરાવવા માટે લાઇનો લાગી રહી છે.
10 માર્ચે પાંચ રાજ્યની વિધાનસભા ચૂંટણીના પરિણામ જાહેર થયા બાદ પેટ્રોલ-ડીઝલના ભાવમાં વધારો થઇ શકે છે. ક્રૂડ ઓઇલના ભાવ વધતા આ ભાવ વધારો શક્ય છે. છેલ્લા ઘણા સમયથી દેશમાં ક્રૂડ ઓઇલના ભાવ વધ્યા છતા પેટ્રોલ-ડીઝલના ભાવમાં વધારો કરવામાં આવ્યો નથી. ચૂંટણી પૂર્ણ થયા બાદ ડીઝલ-પેટ્રોલના ભાવ 15-20 રૂપિયા સુધી વધવાના સમાચાર ચાલી રહ્યા છે.ગુજરાત-મહારાષ્ટ્રના ખેડૂત ગામમાં ભાવ વધવાની આશંકાને કારણે ડીઝલ સ્ટોક કરી રહ્યા છે.
4 નવેમ્બરથી નથી વધ્યા ડીઝલ-પેટ્રોલના ભાવ
પેટ્રોલ-ડીઝલના ભાવમાં 4 મહિનાથી કોઇ બદલાવ થયો નથી. જ્યારથી ડેલી રિવ્યૂની સિસ્ટમ અમલમાં આવી છે, આવુ પ્રથમ વખત થયુ છે કે 100થી વધારે દિવસ સુધી ડીઝલ અને પેટ્રોલના ભાવ વધ્યા નથી.
દિલ્હીમાં પેટ્રોલનો ભાવ 95.41 અને ડીઝલ 86.67 રૂપિયા પ્રતિ લીટર છે. જ્યારે અમદાવાદમાં પેટ્રોલનો ભાવ 95.13 રૂપિયા પ્રતિ લિટર જ્યારે ડીઝલનો ભાવ 89.12 રૂપિયા છે.
