જાડેજાએ કહ્યું- 100 ટકા ફિટ રહેવું પડશે
જાડેજાએ મેચ પહેલા કહ્યું હતું કે તેનો પહેલો ટાર્ગેટ સંપૂર્ણપણે ફિટ રહેવાનો છે. તેણે કહ્યું, “મને મેદાન પર પાછા આવીને સારું લાગે છે. ખુબ જ ઉત્સાહિત આશા છે કે તે ટીમ અને મારા માટે સારું રહેશે. જુઓ મારી પ્રથમ પ્રાથમિકતા મેદાન પર ઉતરવાની અને ફિટ રહેવાની છે.
જાડેજા એશિયા કપમાં ઈજાગ્રસ્ત થયો હતો
જાડેજા ગયા વર્ષે એશિયા કપ દરમિયાન ઈજાગ્રસ્ત થયો હતો. તેને તેના જમણા ઘૂંટણમાં ઈજા થઈ હતી અને તે ટુર્નામેન્ટમાંથી બહાર થઈ ગયો હતો. જે બાદ જાડેજા ટી20 વર્લ્ડ કપમાં પણ રમી શક્યો ન હતો. 34 વર્ષીય જાડેજાએ 60 ટેસ્ટ મેચમાં 2523 રન બનાવ્યા છે અને 242 વિકેટ પણ લીધી છે. તેણે 171 વનડેમાં 2447 રન બનાવવાની સાથે 189 વિકેટ લીધી છે. જાડેજાએ ઈન્ટરનેશનલ ટી20માં 64 મેચમાં 457 રન બનાવ્યા છે. તે જ રીતે, તેણે 51 વિકેટ લીધી છે.
